‘இந்த அம்சம்’ கொண்ட முதல் லேப்டாப்: அசுஸ் அதிரடி

அசுஸ் நிறுவனத்தின் புதிய லேப்டாப், ஸ்ன்படிராகன் தொழில்நுட்ப மாநாட்டில் அறிமுகம் செய்யப்பட்டுள்ளது. இது ஜிகாபிட் எல்டிஇ வசதி கொண்ட உலகின் முதல் லேப்டாப் என்ற பெருமையை பெற்றுள்ளது.

தாய்வானில் நடைபெற்று வரும் ஸ்னப்டிராகன் தொழில்நுட்ப மாநாட்டில் அசுஸ் நிறுவனத்தின் புதிய லேப்டாப் அறிமுகம் செய்யப்பட்டுள்ளது.

புதிய அசுஸ் நோவாகோ (TP370) ஜிகாபிட் எல்டிஇ வசதி கொண்ட உலகின் முதல் லேப்டாப் என்ற பெருமையை பெற்றுள்ளது. அசுஸ் நோவாகோ லேப்டாப் 4 ஜிபி ரேம், 64 ஜிபி UFS 2.0 கொண்ட மாடல் 599 டாலர்கள் அதாவது இந்திய மதிப்பில் ரூ.38,662 என்றும் 8 ஜிபி ரேம், 256 ஜிபி மாடல் 799 டாலர்கள் அதாவது இந்திய மதிப்பில் ரூ.51,571 என நிர்ணயம் செய்யப்பட்டுள்ளது.

அசுஸ் கன்வெரிடிபிளி லேப்டாப் குவால்காம் ஸ்னாப்டிராகன் 835 சிப்செட், ஜிகாபிட் ஸ்னாப்டிராகன் X16 எல்இடி மோடெம் வழங்கப்பட்டுள்ளது. இதனால் வழக்கமான வீட்டு வைபை இணைப்பை விட அதிவேக டவுன்லோடு வேகத்தை வழங்கும் என அசுஸ் தெரிவித்துள்ளது.

இந்த சாதனத்தில் வழங்கப்பட்டுள்ள நான்கு ஆன்டெனாக்கள் அதிவேக கனெக்டிவிட்டியை எல்டிஇ மேம்படுத்தப்பட்ட கேட் 16 செல்லுலார் நெட்வொர்க்கிங் மூலம் வழங்குகிறது. இந்த சாதனத்தில் 22 மணி நேர பேக்கப் மற்றும் 30 நாட்கள் ஸ்டான்ட்-பை வழங்கும் பேட்டரி மூலம் சக்தியூட்டப்படுகிறது. இத்துடன் பில்ட்-இன் இசிம் வழங்கப்பட்டுள்ளதால் சீரான கனெக்டிவிட்டியை பெற முடியும்.

இசிம் என்பது இன்டகிரேட் செய்யப்பட்ட சிப் என்பதால் எந்நேரமும் இணைக்கப்பட்ட அனுபவத்தை வழங்கும், இதனால் அடிக்கடி நெட்வொர்க் மாறும் வாடிக்கையாளர்கள் சிம் கார்டுகளை கழற்றி மாற்ற வேண்டிய அவசியத்தை வழங்காது. வாடிக்கையாளர்கள் விண்டோஸ் ஸ்டோப் மூலம் தங்களிடம் உள்ள சிம் கார்டினை மிக எளிமையாக ஆக்டிவேட் செய்து கொள்ள முடியும்.

இசிம் வசதி மட்டுமின்றி கூடுதலாக 4ஜி மற்றும் 5ஜி பேண்ட் மூலம் அனுப்பப்படும் தரவுகள் அனைத்தும் என்க்ரிப்ட் செய்யப்படுவதால், பொது வைபை இணைப்பை விட பாதுகாப்பான இணைய வசதியை பயன்படுத்தலாம் என அசுஸ் தெரிவித்துள்ளது.

விண்டோஸ் 10 இயங்குதளம் கொண்ட அசுஸ் நோவாகோ லேப்டாப் விண்டோஸ் இன்க், விண்டோஸ் ஹெல்லோ மற்றும் கார்டனா போன்ற அம்சங்களும் வழங்கப்படுகிறது. இத்துடன் ஃபுல் எச்டி டிஸ்ப்ளே மற்றும் 178 கோணத்தில் பயன்படுத்தும் தொழில்நுட்பம் வழங்கப்பட்டுள்ளது.

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!

Tags: , ,