பள்ளி பருவத்தில் இருந்தது போல அடர்த்தியான முடி வேண்டுமா? இதை வாரத்தில் ஒருமுறை செய்தால் போதும்!

தினமும் தலைக்கு குளிப்பது என்பது முற்றிலும் தவறான ஒன்றாகும். இவ்வாறு செய்வதால் முடியின் வேர்க்கால்கள் விரைவில் வறண்ட தன்மையை அடைந்துவிடும். முடியின் வேர்க்கால்கள் வறண்ட தன்மையை அடைந்து விட்டால் முடி உதிர்வு அதிகமாக உண்டாகும்.

தினமும் தலையை அலசுவது

நமது சருமத்தில் இயற்கையாகவே சுரக்கும் எண்ணெய்கள் நமது சருமத்தை பாதுகாப்பாக வைத்துக் கொள்ள உதவுகின்றன. அதே போல தன் நமது தலையில் சுரக்கும் எண்ணெய்களும் நமது முடியின் வேர்க்கால்களை பாதுகாப்பாக வைத்துக் கொள்ள உதவியாக உள்ளன.

ஆனால் யாரோ சொல்லிய சில காரணங்களால் நாம் தினமும் தலைக்கு குளித்துக் கொண்டு இருக்கிறோம். தினமும் தலைக்கு குளிப்பது என்பது முற்றிலும் தவறான ஒன்றாகும். இவ்வாறு செய்வதால் முடியின் வேர்க்கால்கள் விரைவில் வறண்ட தன்மையை அடைந்துவிடும். முடியின் வேர்க்கால்கள் வறண்ட தன்மையை அடைந்து விட்டால் முடி உதிர்வு அதிகமாக உண்டாகும்.

ஷாம்பு

தினமும் தலை முடிகளை அலசுகிறீர்கள் என்றால் கண்டிப்பாக நீங்கள் தினமும் ஷாம்பு போடுவீர்கள். தினமும் முடிக்கு கெமிக்கலை பயன்படுத்துவது என்பது கூடவே கூடாது. நீங்கள் ஒருநாள் விட்டு ஒருநாள் தலை முடியை அலசுகிறீர்கள் என்றால் நீங்கள் மையில்ட் ஷாம்புவை பயன்படுத்துவது என்பது சிறந்தது ஆகும்.

வெப்பத்தை தவிர்க்கவும்

நீங்கள் தலைமுடிக்கு வெப்பத்தை அளிப்பதை தவிர்ப்பது நல்லது.. சிலர் தினமும் தலைமுடியை நேராக்க வேண்டும் என்று ஸ்ட்ரைட்டினிங் செய்து கொள்வார்கள். ஹேர் டிரையர்களை பயன்படுத்துவார்கள். இது போன்று செய்வது உங்களது தலைமுடியில் வெடிப்புகளை உண்டாக்கும்.

கண்டிப்பா யூஸ் செய்யனுமா?

நீங்கள் கண்டிப்பாக தலைமுடிக்கு ஸ்ட்ரைட்னர் அல்லது ஹேர் ட்ரையர் பயன்படுத்தியே ஆக வேண்டும் என்றால் நீங்கள் ஜோஜோபா ( Jojoba ) ஆயில் உள்ள ஷாம்புவை வாங்கி பயன்படுத்த வேண்டியது என்பது அவசியமாகும். இந்த ஆயில் உங்களுக்கு சூட்டில் இருந்து பாதுகாப்பு அளிக்கும்.

கண்டிஸ்னர்

கண்டிஸ்னர் வாங்கும் போது மிகவும் கவனமாக இருக்க வேண்டியது என்பது அவசியமான ஒன்றாகும். ஆப்பிள் சீடர் வினிகர் உள்ள கண்டிஸ்னர்கள் உங்களது முடியை அதிகமாக உள்ளது போல காட்டும். அதுமட்டுமில்லாமல் இது கூந்தலை மிருதுவாகவும் வைத்துக் கொள்ள உதவுகிறது.

ஆப்பிள் சீடர் வினிகர்

நீங்கள் கண்டிஸ்னருக்கு பதிலாக தலைமுடியை ஷாம்பு கொண்டு அலசி முடிந்த பின்னர் ஆப்பிள் சீடர் வினிகரை ஒரு முடி அளவு ஒரு கப் தண்ணீரில் ஊற்றி, அந்த தண்ணீரை கொண்டு உங்களது கூந்தலை அலசலாம். இதன் மூலமாக உங்களது கூந்தலானது பளபளப்பாக இருக்கும் என்பது உறுதி.

ஹேர் மாஸ்க்

நீங்கள் வாரத்தில் இரண்டு முறைகளாவது ஹேர் மாஸ்க்குகளை உபயோகப்படுத்த வேண்டியது என்பது அவசியமாகும். உங்களது நாள்கட்டியில் ஹேர் மாஸ்க் போடுவதற்கு என்று ஒரு சில நாட்களை குறித்து வைத்துக் கொள்ளுங்கள். இந்த நாளில் கண்டிப்பாக ஹேர் மாஸ்க் போட மறந்துவிடாதீர்கள்

தண்ணீர்

ஆரோக்கியமான கூந்தல் வேண்டும் என்றால் கண்டிப்பாக தண்ணீர் அதிகளவில் பருக வேண்டியது என்பது அவசியமாகும். உடல் வறட்சியடைந்து இருப்பது என்பது உங்களது கூந்தலை வறட்சியடைய வைக்கும். கூந்தலில் உயிரோட்டம் என்பது இருக்காது.

உங்களது கூந்தல் வலிமையானதாக இருக்க வேண்டும் என்றால் நீங்கள் தினசரி 8 முதல் 10 டம்ளர் அளவு தண்ணீர் பருக வேண்டியது அவசியமாகும்.

ஆரோக்கியமான உணவு

நாம் என்ன சாப்பிடுகிறோமோ அதை பொருத்து தான் நமது ஆரோக்கியமும் அமைகிறது. நீங்கள் சாப்பிடும் பொருட்களை வைத்து தான் உங்களது சருமம் மற்றும் கூந்தலின் ஆரோக்கியம் அமைகிறது. துரித உணவுகள், கடைகளில் கிடைக்கும் சுத்தமற்ற உணவுகளை உண்பதால் உங்களது கூந்தலுக்கு ஆரோக்கியம் இல்லாமல் போகும்.

செம்பருத்தி – யோகார்ட் மாஸ்க்

ஃப்ரஷான செம்பருத்தி மலர்கள் – 10

யோகார்ட் – 4 டேபிள் ஸ்பூன்

தேன் – 1 டேபிள் ஸ்பூன்

ரோஸ்மெரி எண்ணெய் – சில துளிகள்(விருப்பமிருந்தால்)

செய்முறை

செம்பருத்தியின் தண்டினையும், அடிபாகத்தில் உள்ள புற இதழ்களையும் அகற்றி விட வேண்டும். அவற்றுடன் யோகார்ட் கலந்து மிக்ஸியில் நைஸாக பேஸ்ட் போன்று அரைக்கவேண்டும். தேவைக்கேற்ப நீர்விடவும். அதனை ஒரு கிண்ணத்தில் எடுத்துக் கொண்டு அதனுள் தேனை சேர்க்க வேண்டும்.

விருப்பமிருந்தால் ரோஸ்மெரியை அதனுடன் சேர்க்கலாம். ரோஸ்மெரி எண்ணெய் கூந்தல் வளர உதவி புரிகிறது. இப்போது இந்த கலவையை தலைமுடியின் வேர் கால்களிலிருந்து தடவ வேண்டும். முழுவதும் தேய்த்து அரைமணி நேரம் கழித்து அலசலாம்.

செம்பருத்தி – வெந்தய மாஸ்க்

செம்பருத்தி இலைகள் – கை நிறைய

ஊற வைத்த வெந்தயம் – 2 தேக்கரண்டி (இரவில் ஊற வைத்து மறுநாள் உபயோகப்படுத்த வேண்டும்)

செம்பருத்தி இலையை அழுக்கு போக நன்கு கழுவ வேண்டும். அதன் காம்பினை அகற்றி மிக்ஸியில் நைசாக அரைக்கவும். ஊற வைத்த வெந்தயத்தையும் நன்கு அரைத்து, செம்பருத்தி இலை பேஸ்ட்டுடன் நன்கு கலக்கவும்.

பயன்படுத்தும் முறை

இப்போது அந்த கலவையை தலைமுடிக்கு மாஸ்க்காக பயன்படுத்தலாம். இது கூந்தலின் வலிமையை அதிகப்படுத்தும்.

இந்த இரண்டு மாஸ்க்கையும் வாரம் ஒரு முறை என மாற்றி மாற்றி தொடர்ந்து செய்து வந்தால் பொடுகு தொல்லை மற்றும் அனைத்து விதமாக கூந்தல் பிரச்சனைகளும் தீர்ந்து விடும்.

* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!

Tags: , ,