முன்னாள் கடற்படைத் தளபதி வசந்த கரன்னகொட மீது கொழும்பு உயர்நீதிமன்றத்தில் தாக்கல் செய்யப்பட்ட வழக்கை ரத்து செய்யக் கோரி தாக்கல் செய்யப்பட்ட ரிட் மனுவை மே 17 அன்று விசாரிக்க மேல்முறையீட்டு நீதிமன்றம் உத்தரவிட்டது.
மேல்முறையீட்டு நீதிமன்றம் முன்னதாக உயர்நீதிமன்றத்தின் நடவடிக்கைகளை நிறுத்தி இடைக்கால தடை உத்தரவு பிறப்பித்திருந்தது.
2008 மற்றும் 2009 இல் கொழும்பு மற்றும் அதனைச் சுற்றியுள்ள பகுதிகளில் 11 பேரை கடத்தி கொலை செய்ய சதி செய்ததாக கூறப்படும் வசந்த கரன்னகொட உட்பட 14 பேருக்கு எதிராக கொழும்பு உயர் நீதிமன்றத்தில் சட்டமா அதிபர் வழக்கு பதிவு செய்துள்ளார்.
தன் மீது சட்டவிரோதமாகவும் எந்த ஆதாரமும் இல்லாமல் உயர் நீதிமன்றத்தில் சட்டமாஅதிபரால் வழக்கு பதிவு செய்யப்பட்டுள்ளதாக கரன்னகொட தாக்கல் செய்த ரிட் மனுவில் தெரிவிக்கப்பட்டுள்ளது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
