லண்டனை உலுக்கிய கொலை சம்பவங்கள்: மெட் பொலிஸ் எடுத்த அதிரடி முடிவு! October 1, 2021 7:30 am Twitter Facebook Google+ LinkedIn Pinterest சாரா எவரார்ட், சபீனா நெஸ்ஸா சம்பவங்களை தொடர்ந்து, பெண்கள் மற்றும் சிறுமிகளைப் பாதுகாப்பதற்காக 650 புதிய அதிகாரிகளை நியமிக்கவும், ரோந்து பணியை அதிகரிக்கவும் லண்டன் பெருநகர காவல்துறை உறுதியளித்துள்ளது.பெண்கள் மற்றும் சிறுமிகளுக்கு எதிரான வன்முறைகளைக் கையாள்வதற்கான ஒரு புதிய உத்தியை வெளியிடுவதாகவும், பாலியல் மற்றும் வன்முறை குற்றவாளிகளுக்கு எதிரான நடவடிக்கைக்கு எவ்வாறு முன்னுரிமை அளிக்கும் என்பதை விளக்குவதாகவும் லண்டன் பெருநகர காவல்துறை உறுதியளித்துள்ளது உறுதியளித்துள்ளது.இந்த புதிய மூலோபாயம் Predatory Offender Units எனும் பிரத்யேக பிரிவுகளுடன் வரும், இது கடந்த நவம்பரில் இருந்து, குடும்ப துஷ்பிரயோகம், பாலியல் குற்றங்கள் மற்றும் குழந்தை துஷ்பிரயோகம் ஆகியவற்றுக்காக 2,000-க்கும் மேற்பட்ட சந்தேக நபர்களைக் கைது செய்துள்ளது.650 புதிய அதிகாரிகள் பெண்கள் மற்றும் சிறுமிகள் பெரும்பாலும் அவர்கள் பாதுகாப்பாக இருக்கிறார்கள் என்ற நம்பிக்கை இல்லாத இடங்கள் உட்பட, பிஸியான பொது இடங்களில் நியமிக்கப்படுவார்கள் என்று தெரிவிக்கப்பட்டுள்ளது.வன்முறை மற்றும் துன்புறுத்தலுக்கான “ஹாட்ஸ்பாட்” இடங்கள் என அடையாளம் காணப்பட்ட பகுதிகளில் ரோந்துப் பணியை அதிகரிக்கவும், அதிக பொலிஸ் இருப்பை வழங்கவும் மெட் பொலிஸ் உறுதியளித்துள்ளது.சாரா எவரார்ட் (Sarah Everard) மெட்ரோபொலிட்டன் பொலிஸ் அதிகாரி வெய்ன் கூசன்ஸால் பாலியல் பலாத்காரம் செய்யப்பட்டு கொல்லப்பட்டார்.அதேபோல், நிக்கோல் ஸ்மால்மேன் (Nicole Smallman) மற்றும் பிபா ஹென்றி (Bibaa Henry) சகோதரிகள் கொலை, சமீபத்தில் சபீனா நெஸ்ஸாவின் (Sabina Nessa) கொலை உட்பட பொது இடங்களில் பெண்களின் மற்ற கொடூரமான கொலைகள் நடந்துள்ளன.இந்நிலையில், மெட் பொலிஸ் செய்தித் தொடர்பாளர் கூறுகையில்: “லண்டனில் உள்ள பெண்களின் கவலைகளைப் புரிந்துகொள்வது எங்களுக்கு மிகவும் முக்கியமானது மற்றும் நாங்கள் பலவிதமான செயல்பாடுகளை மேற்கொள்கிறோம்.பெண்கள் கவலைப்படுவதை நாங்கள் அறிவோம். காவல்துறையின் மீதான நம்பிக்கையில் இந்த கொடூரமான குற்றங்களின் தாக்கம் குறித்து எங்கள் அதிகாரிகள் அனைவரும் அக்கறை கொண்டுள்ளனர், அந்த நம்பிக்கையை மீண்டும் கட்டியெழுப்ப எங்களால் முடிந்த அனைத்தையும் செய்ய விரும்புகிறோம்” என்று கூறியுள்ளார். இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி! Related Posts ஏலத்திற்கு வரும் இளவரசி டயானாவின் உடைகள்! * இந்த பதிவு உங்களுக்கு பிடித்திருந்தால் உங்கள் நண்பர்களுடன்… ஈரானில் மூன்று மரண தண்டனையில் இருந்து தப்பிய நபர் சிறையில் பரிதாப மரணம்! * இந்த பதிவு உங்களுக்கு பிடித்திருந்தால் உங்கள் நண்பர்களுடன்… கனடாவில் உணவுப் பிரியர்களுக்கு காத்திருக்கும் அதிர்ச்சி! * இந்த பதிவு உங்களுக்கு பிடித்திருந்தால் உங்கள் நண்பர்களுடன்…