உயிர்த்த ஞாயிறு தினத்தன்று குண்டு தாக்குதல்களில் பாதிக்கப்பட்டவர்களுக்கு நியாயம் வழங்கப்பட வேண்டும் என்பதை வலியுறுத்தி பேலியகொடையில் இடம்பெற்ற அமைதியான ஆர்ப்பாட்டத்தில் கலந்து கொண்ட போதே அவர் இதனைத் தெரிவித்துள்ளார்.
விடுதலைப் புலிகளின் பயங்கரவாத செயற்பாடுகளுக்கும் , உயிர்த்த ஞாயிறு தினத்தன்று மேற்கொள்ளப்பட்ட பயங்கரவாத தாக்குதல்களுக்கும் பாரிய வேறுபாடுகள் உள்ளன. இது அரசியல்வாதிகளின் ஆதரவுடன் இடம்பெற்ற சம்பவம் என்று நாம் நம்புகின்றோம்.
பிரபாகரனின் பயங்கரவாத செயற்பாடுகளுக்கு நாம் ஏற்கனவே பதிலளித்து விட்டோம். இராணுவத்தினரால் அந்த செயற்பாடுகள் முற்றாக ஒழிக்கப்பட்டுள்ளன. அதே போன்று உயிர்த்த ஞாயிறு தாக்குதல்களால் பாதிக்கப்பட்டவர்களுக்கும் நியாயம் வழங்கப்பட வேண்டும்.
பாதுகாப்பு தொடர்பில் எவ்வித அக்கறையும் அற்ற ஆட்சியாளர் இருந்தால் மாத்திரமே உயிர்த்த ஞாயிறு தாக்குதல்களுடன் தொடர்புடைய பிரதான சூத்திரதாரிகளை இனங்காண்பதில் வருடக்கணக்கில் காலம் செல்லும். இது பலவீனமான பாதுகாப்பு அதிகாரிகளின் நிலைப்பாடாகும். அவ்வாறு காலம் கடத்துவதற்கு இடமளிக்க முடியாது.
ஆட்சியாளர்களும், பாதுகாப்புப் படை பிரதானிகளும் சிறப்பாக செயற்பட்டால் சூத்திரதாரிகளை இலகுவான இனங்காணலாம். முன்னாள் ஜனாதிபதி மைத்திரிபால சிறிசேனவின் முட்டாள் தனமான கருத்துக்களுக்கு எம்மால் பதிலளிக்க முடியாது. அவரை சிறைலடைக்க வேண்டும். இழப்பீடு வழங்குமாறு அளிக்கப்பட்ட தீர்ப்பு போதுமானதல்ல என்பதே எனது நிலைப்பாடாகும். அவருக்கு இதனை விட கடுமையான தண்டனை வழங்கப்பட வேண்டும்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
