இனப்பிரச்சினைக்கு தீர்வு வழங்கினால் புலம்பெயர் தமிழர்களின் முதலீடுகளை பெறமுடியும்! April 29, 2023 9:15 am Twitter Facebook Google+ LinkedIn Pinterest இனப்பிரச்சினைக்கு தீர்வு வழங்கினால் புலம்பெயர்ந்து வாழும் தமிழர்களின் முதலீடுகளை பெற்றுக்கொள்ள முடியும். வடக்கு மற்றும் கிழக்கு மாகாணங்களை பொருளாதார கேந்திர மையமாக எம்மால் மாற்றியமைக்க முடியும். அதற்கு தமிழ் தேசிய கூட்டமைப்பு முழுமையான ஒத்துழைப்பு வழங்கும் என கூட்டமைப்பின் பாராளுமன்ற உறுப்பினர் சாணக்கியன் இராசமாணிக்கம் தெரிவித்தார். பாராளுமன்றத்தில் வெள்ளிக்கிழமை இடம்பெற்ற சர்வதேச நாணய நிதிய ஒப்பந்தம் மீதான மூன்றாவது நாள் விவாதத்தில் உரையாற்றுகையில் மேற்கண்டவாறு குறிப்பிட்டார்.சர்வதேச நாணய நிதியத்தின் ஒப்பந்தம் மீதான மூன்று நாள் விவாதம் பயனற்றது.இந்த விவாதத்தினால் அரச நிதி வீண் விரயமாக்கப்பட்டுள்ளது.பொருளாதார பாதிப்புக்கு மத்தியில் சர்வதேச நாணய நிதியத்தின் ஒத்துழைப்பை பெற்றுக்கொள்வதற்கு முன்னெடுக்கப்பட்ட பேச்சுவார்த்தை,கடந்த செப்டெம்டபர் மாதம் கைச்சாத்திடப்பட்ட ஊழியர் மட்ட இணக்கப்பாடு தொடர்பான அறிக்கை ஆகியவற்றை பாராளுமன்றத்துக்கு சமர்ப்பிக்குமாறு அரசாங்கத்திடம் பலமுறை வலியுறுத்தினோம்.ஒப்பந்தம் கைச்சாத்திடப்படுவதற்கு முன்னர் பாராளுமன்றத்தில் அது தொடர்பான விவாதம் இடம்பெற்றிருந்தால் நிபந்தனைகளை மறுசீரமைத்திருக்கலாம்.ஒப்பந்தம் கைச்சாத்திடப்பட்டு முதல் தவணை பெற்றுக்கொண்டதன் பின்னர் ஒப்பந்தம் பாராளுமன்றத்துக்கு சமர்ப்பிக்கப்பட்டமை பயனற்றது.சர்வதேச நாணய நிதியத்தின் ஒத்துழைப்பை பெற்றுக்கொள்ளும் பணிகளை இலங்கை துரிதமாக நிறைவு செய்தது என சபை முதல்வர் சுசில் பிரேமஜயந்த குறிப்பிட்டுள்ளமை அடிப்படையற்றது.பொருளாதார பாதிப்பை எதிர்கொண்ட நாடுகள் 46 நாட்கள் முதல் 100 நாட்களுக்குள் சர்வதேச நாணய நிதியத்தின் ஒத்துழைப்பை பெற்றுக்கொண்டன.இலங்கை ஏழு மாதம் காலம் தாமதமான நிலையில் சர்வதேச நாணய நிதியத்தின் ஒத்துழைப்பை பெற்றுக்கொண்டது.வரி கொள்கை திருத்தம் தொடர்பில் நாணய நிதியம் வழங்கிய ஆலோசனைகளை அரசாங்கம் வெகுவிரைவாக அமுல்படுத்தியது.ஆனால் அரச நிர்வாக கட்டமைப்பின் மறுசீரமைப்பு தொடர்பில் முன்வைத்த ஆலோசனைகளை அரசாங்கம் மறந்து விட்டது.ஊழல் ஒழிப்பு தொடர்பில் நடைமுறைக்கு பொருத்தமான நடவடிக்கைகள் ஏதும் எடுக்கப்படவில்லை. அரசாங்கம் வழமை போலவே செயற்படுகிறது.சர்வதேச நாணய நிதி ஒத்துழைப்பால் பொருளாதார நெருக்கடிக்கு நிலையான தீர்வு காண முடியாது.நாட்டில் புரையோடிப் போயுள்ள இனப்பிரச்சினைக்கு தீர்வு வழங்கினால் புலம்பெயர்ந்து வாழும் தமிழர்களின் முதலீடுகளை பெற்றுக்கொள்ள முடியும்.வடக்கு மற்றும் கிழக்கு மாகாணங்களை பொருளாதார கேந்திர மையமாக எம்மால் மாற்றியமைக்க முடியும்.அதற்கு தமிழ் தேசிய கூட்டமைப்பு முழுமையான ஒத்துழைப்பு வழங்கும் என்றார். * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி! Related Posts கோட்டாவை பிரதமர் வேட்பாளராக நிறுத்த முயற்சி! * இந்த பதிவு உங்களுக்கு பிடித்திருந்தால் உங்கள் நண்பர்களுடன்… 13ஐ ரணிலும் நடைமுறைப்படுத்தமாட்டார்! * இந்த பதிவு உங்களுக்கு பிடித்திருந்தால் உங்கள் நண்பர்களுடன்… மாகாணசபைகளுக்கு பொலிஸ் அதிகாரம்: தனது நிலைப்பாட்டை வெளிப்படுத்தியுள்ள அநுரகுமார திசாநாயக்க * இந்த பதிவு உங்களுக்கு பிடித்திருந்தால் உங்கள் நண்பர்களுடன்…