அமெரிக்காவில் பெற்றோர்களை கொடூரமாக கொன்ற வழக்கில் மகன் குற்றவாளி என நிரூபிக்கப்பட்ட நிலையில் நீதிமன்றம் ஆயுள்தண்டனை வழங்கியுள்ளது. 32 வயதான ஜோயல் கை ஜூனியர், 2016 விடுமுறை காலத்தில் பெற்றோர்களான ஜோயல் கை சீனியர் (61)மற்றும் லிசா கை (55) ஆகியோரை ஆயுள் காப்பீடு தொகைக்காக கொலை செய்துள்ளார்.
சம்பவத்தன்று பெற்றோர்களை கொன்ற ஜோயல் கை ஜூனியர், பின்னர் உடல்களை துண்டுகாளக்கி அமிலத்தில் கரைத்து சுலபமாக அப்புறப்படுத்த முயன்றுள்ளார் என டென்னசி நீதிமன்ற விசாரணையின் போது அதிர்ச்சியளிக்கும் உண்மை அம்பலமானது. தகவலறிந்த அதிகாரிகள் வீட்டிற்குள் நுழைந்த சோதனை செய்த போது லிசா கையின் தலை ஒரு பாத்திரத்தில் வேகவைக்கப்பட்டிருந்ததை கண்டு அதிர்ச்சியடைந்துள்ளனர்.
விசாரணையில் ஆயுள் காப்பீடு தொகைக்காக ஜோயல் கை ஜூனியர் பெற்றோர்களை கொன்றது அம்பலமானது. மேலும், அவர் பெற்றோரின் வங்கி கணக்கிலிருந்து பணமெடுத்து செலவு செய்தது கண்டறியப்பட்டது. சுமார் 3 மணி நேரம் நடந்த விசாரணைக்கு பின் ஜோயல் கை ஜூனியர் குற்றவாளி என நிரூபிக்கப்பட்டார்.
நாக்ஸ் கவுண்டி குற்றவியல் நீதிமன்ற நீதிபதி ஸ்டீவ் வாள், ஆயுள் தண்டனையை விதித்தார், ஆனால் அந்த ஆயுட்காலம் தொடர்ச்சியாக வழங்கப்பட வேண்டுமா என்பதை தீர்மானிக்க அடுத்த மாதம் ஒரு தனி விசாரணை நடத்த திட்டமிடப்பட்டுள்ளது. முறையான தண்டனைக்காக ஜோயல் கை ஜூனியர் நவம்பர் 19ம் தேதி மீண்டும் நீதிமன்றத்தில் ஆஜராகவுள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
