அப்பிள் நிறுவனத்தின் இணை நிறுவுநரான ஸ்டீவ் ஜொப்ஸ் புதைத்த 30 வருடங்கள் பழைமையான 13 அடி நீளமான குழாய் ஒன்று பல பொருட்களுடன் அண்மையில் புவியியல் தொலைக்காட்சி சனல் ஒன்றினால் கண்டுபிடிக்கப்பட்டுள்ளது.
அமெரிக்காவின் கொலரடா மாநிலத்தில் அஸ்பென் எனுமிடத்தில் 1983ஆம் நடைபெற்ற தொழில்நுட்ப புதுமையாளர்கள் மாநாட்டில் கலந்துகொண்ட ஸ்டீவ் ஜொப்ஸ் மற்றும் அவரது குழு இணைந்து புதைத்த குழாயே கண்டுபிடிக்கப்பட்டுள்ளது.
2000ஆம் ஆண்டில் தோண்டுடி எடுக்கும் முகமாகவே இந்த குழாய் புதைக்கப்பட்டது. இருப்பினும் அப்பகுதியின் நிலப்பரப்பு காலப்போக்கில் மாற்றமடைந்ததால் அக்குழாய் புதைத்த இடத்தை கண்டுபிடிக்க முடியாமல் இருந்தது.
இந்நிலையில் புவியியல் தொலைக்காட்சி நிறுவனம் நடத்தும் “டிக்கர்” எனும் ரியாலிட்டி நிகழ்ச்சியின் ஒரு அங்கத்திலேயே இக்குழாய் கண்டுபிடிக்கப்பட்டுள்ளது.
13 அடி நீளமான இந்த குழாயை கனரக இயந்திரங்களைக்கொண்டு 2 மணித்தியாலங்கள் தேடிக் கண்டுபிடித்துள்ளனர்.
2011 ஆம் ஆண்டு காலமான ஸ்டீவ் ஜொப்ஸ், தனது 28ஆவது வயதில் புதைத்த இந்த குழாயினுள் அவர் கண்டுபிடித்த லிஸா கணணியின் மௌஸ், கேபிள்கள், பியர் உள்ளிட்ட நூற்றுக்கணக்கான பொருட்கள் கண்டெடுக்கப்ப ட்டுள்ளன.
