மொறவக்க, எத்திமலை நீர்வீழ்ச்சிப் பகுதியில் மூன்று பிள்ளைகளின் தாயொருவர் 5 பேர் கொண்ட குழுவினரால் பாலியல் பலாத்காரம் செய்யப்பட்டுள்ளார்.
இச்சம்பவமானது கடந்த ஞாயிறன்று இடம்பெற்றுள்ளதாக பொலிஸ் ஊடகப்பிரிவு தெரிவித்தது 38 வயதான பெண்ணொருவரே இவ்வாறு பாலியல் பலாத்காரத்துக்கு உட்படுத்தப்பட்டுள்ள நிலையில் அவர் தற்சமயம் மொறவக்க வைத்தியசாலையில் சிகிச்சை பெற்று வருகிறார்.
இப்பாலியல் பலாத்கார சம்பவத்துடன் தொடர்புடைய சந்தேக நபர்கள் ஐவரில் ஒருவர் நேற்று முன்தினம் மாலை 5.20 அளவில் தூக்கிட்டு தற்கொலை செய்து கொண்டுள்ளதுடன் மேலும் மூவர் பொலிஸாரினால் கைது செய்யப்பட்டு நீதிமன்றில் ஆஜர்படுத்தப்பட்ட நிலையில் எதிர்வரும் 14ஆம் திகதி வரை விளக்கமறியலில் வைக்கப்பட்டுள்ளனர் அத்துடன் மற்றுமொரு சந்தேக நபரை தேடி பொலிஸார் வலை விரித்துள்ளனர்.
இது தொடர்பில் தெரிய வருவதாவது,
பலாத்காரத்திற்கு உட்படுத்தப்பட்ட பெண் 20 வயதான இளைஞர் ஒருவருடன் இரகசிய காதல் தொடர்பினை பேணி வந்துள்ளார். சம்பவ தினமான ஞாயிறன்று குறித்த இளைஞருடன் எத்திமலை நீர்வீழ்ச்சியை பார்வையிட அந்தப் பெண் சென்றுள்ளார்.
இதன்போது அப்பெண்ணின் இரகசிய காதலரான 20 வயதான இளைஞனும் அவரது நான்கு நண்பர்களும் சேர்ந்து நீர் வீழ்ச்சியை அண்டிய பகுதியில் வைத்து மூன்று பிள்ளைகளின் தாயான குறித்த பெண்ணை பாலியல் பலாத்காரத்திற்கு உட்படுத்தியுள்ளனர்.
இந்த கூட்டு பாலியல் பலாத்காரம் இடம்பெறும் போது சந்தேக நபர்களில் ஒருவர் அதனை கையடக்கத் தொலைபேசி ஒன்றின் மூலம் படமாக்கியுள்ளார். இந்நிலையிலேயே இந்த பலாத்கார சம்பவம் குறித்து பொலிஸார் தொடர்ந்தும் விசாரணைகளை மேற்கொண்டு வருகின் றமை குறிப்பிடத்தக்கது.
